Tifozët polakë të Motor Lublin morën me qira 21 vinça për të respektuar rregullat e distancës sociale, në mënyrë që t’u jepej mundësia për të ndjekur skuadrën e zemrës në garën e shpejtësisë (motora) kundër ekipit GKM Grudziaz.
Në bazë të protokollit të hartuar nga autoritet vendase, stadiumi ku do të akomodoheshin tifozët mund të mbushej vetëm në 20% të kapacitetit.
Gara e motorëve është një sport popullor në poloni dhe ndiqet shumë nga tifozët. Kapaciteti i reduktuar i stadiumit ku do të zhvillohej gara detyroi të pasionuarit e këtij sporti të gjenin një zgjidhje të pabesueshme.
