“Ka dokumentacion të pavërtetë dhe kemi dyshime të bazuara se mund të jetë përdorur për qëllime jo të mira. Për këtë, Bashkia Shkodër, kryetarja e bashkisë, i është drejtuar prokurorisë për hetim të mëtejshëm”. Kështu paralajmëronte klubi shkodran në deklaratën e bërë para dy vitesh për çështjen “Çinari”.
Por kur kanë kaluar dy vite nga akuzat e ngritura nga Vllaznia, askush nuk e di nëse ky rast është dërguar vërtet për hetim, dhe nëse është bërë kallëzimi, nuk kemi asnjë lëvizje të dokumentuar apo të publikuar nga Prokuroria e Rrethit Shkodër. Asokohe Vllaznia rreshtonte shkeljet e bëra me transferimin e Çinarit, por pas dy vitesh i dëmtuar ka dalë vetëm Partizani.