Pol Pogba është pranë rinovimit edhe për 5 vite të tjera me Mançester Junajtid. “Djajtë e Kuq” janë shpresë plotë se deri në përfundim të sezonit do kenë arritur marrëveshjen me mesfushorin francez.
Pogba ishte pranë largimit nga skuadra, por tani duket se gjërat kanë ndryshuar. Trajneri i Mançester Junajtid Ole Gunar Solskjaer ka vënë re një ndryshim për mirë në sjelljen e mesfushorit, dhe kjo ka bërë që ai të fillojë të mendojë ta ndërtojë skuadrën e sezonit të ri rreth Pogbasë. Pol Pogba erdhi pas një dëmtimi që e la jashtë fushave për një kohë të gjatë, por ka arritur të futet mjaft mirë në ritmin e ekipit dhe ka krijuar një lidhje mjaft të mirë në mesfushë me blerjen e re Bruno Fernandesin.
Mançester Junajtid po lufton për një vend në Ligën e Kampionëve sezonin tjetër dhe Pol Pogba do ishte një ndihmë e madhe.
