Piloti spanjoll Marc Marquez, i operuar ditën e martë në shpatull, ka vendosur të jetë të dielën në garën që do të zhvillohet në pistën e Jerez (Spanjë). Pas operacionit u përfol se piloti i Honda do të qëndrojë 10-15 ditë pushim, duke humbur garën e dytë sezonale.
Gjithsesi, Marquez ka befasuar të gjithë me vendimin e tij, duke u rikthyer në pistë më herët. Ai nuk dëshiron të mungojë dhe të humbasë pikë të tjera në renditje, pas rrëzimit që pësoi në garën e parë, zhvilluar po në Jerez fundjavën e kaluar.
Edhe Honda konfirmoi se Marquez do të garojë këtë fundjavë edhe pse ky vendim duket pak i nxituar. “Pas operacionit të kryer ditën e martë, Marc Marquez do të kthehet në Jerez”, shkruan Honda në rrjetet sociale.
Sipas mjekëve, Marquez e lëviz mirë krahun dhe nuk ka dëmtime të nervit edhe pse piloti duhet të ketë shumë kujdes gjatë gjithë fundjavës, për të evituar rrëzime.
Absolutely extraordinary!!! 💪@marcmarquez93 is heading back to Jerez and will attempt to ride this weekend! 😱#AndaluciaGP 🏁 | 📰https://t.co/MSoFZt9mmP
— MotoGP™🏁 (@MotoGP) July 23, 2020
