Liverpooli do të ketë disa ndryshime në grupin e lojtarëve për sezonin e ardhshëm. Trajneri Jurgen Klopp nuk do të ketë në dispozicion mesfushorin Adam Lallanen. Ky i fundit do të largohet si kampion nga “Anfield”.
32-vjeçari humbi mundësinë për të qenë lider me “Redsat” dhe nuk pranoi rinovimin. Ai do të largohet si futbollist i lirë nga të kuqtë. Anglezi ka disa oferta dhe me shumë mundësi do të mbetet në Angli.
Burnley, Everton, Brighton dhe Leicester janë 4 skuadrat që e duan për sezonin e ri. Lallana duhet të zgjedhë mes tyre dhe me shumë mundësi do të shkojë tek oferta më e madhe ekonomike. Mbetet për t’u parë se ku do të përfundojë kampioni i Anglisë.
