Pas Sherif Kallakut, një tjetër futbollist pritet të largohet nga Teuta, bëhet fjalë për mbrojtësin nga Maqedonia e Veriut, Balgoja Todorovski, i cili në një prononcim për “Gazeta Olle”, ka konfirmua se kontrata me durrsakët ka përfunduar dhe ndaj tij ka pasur interesime nga disa skuadra nga Kosova.
“Kontrata ime me Teutën e Durrësit më ka përfunduar dhe tani jam futbollist i lirë. Nga Kosova për mua janë të interesuara disa skuadra, por nuk mund të përmendi emra si shkak i korrektësisë ndaj tyre, por mund të them se bëhet fjalë për skuadrat që përfunduan në kreun e tabelës këtë vit dhe me gjasë karrierën do ta vazhdojë në Kosovë”, u shpreh Todorovski.
35-vjeçari ka një karrierë të pasur, ku në të kaluarën është aktivizuar me Vardarin, Shkëndijën, Dinamo Bukuresht, Gloria Bistrita, etj.
