I intervistuar nga “Eleven Sports”, Aleksis Selemekers ka pranuar se opinioni i tij për Zlatan Ibrahimoviçin nuk ka qenë gjithmonë fort i mirë. Në deklaratën e tij, mesfushori belg ka sqaruar:
“Kur erdha te Milani prisja që të përballesha me një Ibrahimoviç grindavec dhe mendjemadh, por kjo nuk ishte asgjë tjetër përveçse një përshtypje e gabuar. Në fakt, duke e njohur nga afër, kam vërejtur që është një njeri i qetë dhe se kur është në fushë pretendon më të mirën nga të gjithë. Tashmë është mes shokëve që vlerësoj më shumë. Këshillat e Ibrës nuk mungojnë kurrë dhe na shtyn të japim gjithnjë 100 për qind. Kisha pasur nevojë për një koleg të tillë në karrierën time”.