Atalanta mund të kishte marrë tre pikët në Torino përballë Juventusit, po të mos kishte qenë për Kristiano Ronaldon. Portugezi shënoi dy herë nga pika e penalltisë duke e futur ish-lojtarin e Real Madridit në lojë për Këpucën e Artë.
Juventus ka edhe 6 ndeshje të mbetura për të luajtur në Serinë A, dhe Ronaldo është 6 gola prapa kryesuesit Robert Levandovski. Kristiano Ronaldo ka qenë në super formë që prej rifillimit të kampionatit prej ndalesës nga pandemia. Portugezi në 6 ndeshje ka shënuar 7 gola, edhe pse 4 prej tyre me penallti. Ronaldo nuk e ka fituar Këpucën e Artë që nga sezoni 2014-2015 kur shënoi 48 gola për Real Madridin.
Në tre sezonet e fundit Ronaldo nuk ja ka dalë të jetë as në treshen më të mirë të shënuesve në Europë.