Emre Xhan tregoi për “Bild” një bisede interesante që kishte me ish-trajnerin e tij, Pep Guardiola, kur të dy ishin pjesë e Bajernit të Mynihut.
“U tregova i sinqertë me të dhe e pyeta se si qëndronin shanset që unë të kisha një vend titullari në skuadrën e Bajernit. Ai më tha se e shihte shumë të vështirë që unë të isha pjesë e skuadrës. Më pas erdhi një ofertë e mirë nga Leverkusen të cilën e pranova menjëherë. Nuk jam bërë kurrë pishman për zgjedhjet e mia.
Aventura jashtë Gjermanisë më ka kalitur shumë dhe tani mund të them se jam një lojtar i kompletuar”, tha mesfushori i Borusias së Dortmundit. Kujtojmë se gjermani erdhi nga Juventusi në Bundesligë në janar.
