Trajneri i Juventusit Mauricio Sarri krahasoi kundërshtarin e radhës në kampionatin italian Sasuolon me Atalantën, të cilët për pak ia dolën të mposhtnin bardhezinjtë në takimin e fundit.
Tekniku bardhezi shtoi se nëse skuadra e tij merr 11 pikë në 6 ndeshjet e fundit të sezonit, ata do të jenë me fat.
“Sasuolo është nga ato ekipe që kanë të njëjtën ecuri si Atalanta. Po i japin vazhdimësi projektit të tyre. Kampionati nuk ka përfunduar akoma, duhet të luftojmë dhe të vuajmë. Do të jemi me fat nëse arrijmë të sigurojmë 11 pikë në 6 ndeshjet e fundit”, përfundoi trajneri i Juventusit Mauricio Sarri.
