Mbrojtësi i Barcelonës Jan Kler Todibo ka zbuluar se si Mançester Junajtid refuzoi të nënshkruante me të pas një prove që ai bëri me “Djajtë e Kuq” kur ishte adoleshent. Todibo e filloi karrierën e tij profesionale te Tuluza, ku kaloi tre vite para se të kalonte tek Barcelona në janarin e 2019-ës.
Karriera e mbrojtësit francez mund të kishte pasur një tjetër trajektore, nëse Mançester Junajtid nuk do e refuzonte. Në një intervistë për “Onze Mondial” Todibo u shpreh: “Ishte çmenduri. Unë shkova tek Mançester Junajtid për një provë, gjithçka shkoi mirë por ata nuk më përzgjodhën. Nuk e di pse nuk më përzgjodhën.
Edhe sot e kësaj dite nuk kam marrë ndonjë shpjegim”, përfundoi mbrojtësi i Barcelonës Todibo.
