Erjon Hoxhallari është shprehur se nuk mund të vinte më mirë titulli për Tiranën, sesa në 100 vjetorin e klubit. Mbrojtësi ka theksuar se çelësi i këtij kampionati ishte fitorja në derbin e dytë të këtij sezoni, kur në drejtimin e ekipit erdhi Egbo.
“Jemi shumë të kënaqur, pasi titulli mungonte prej një kohe të gjatë, por erdhi në kohën e duhur, në atë të 100 vjetorit. Pas lojtarëve të rinj të ndërthurur me lojtarë me eksperiencë, bëri të mundur këtë sukses. Çelësi i kampionatit është padyshim ndeshja derbi.
Kishim krijuar një distancë në fund, por nuk toleruam asnjë ndeshje dhe ia dolëm të marrim titullin.”, u shpreh Hoxhallari për “Supersport”.