Eldorian Hamiti si kryesor dhe Rejdi Avdo e Dojando Myftari anësorë gjykuan dje ndeshjen Kukësi-Teuta, që u luajt në “Elbasan Arena”. Rasti më flagrant për moviolë ishte ai i minutës së 72-të.
41′ Gavazaj fut një top në krahun e djathtë, aty ku Ethemi në duel me Kuron rrëzohet brenda zonës, por arbitri vazhdon lojën. Vendim i drejtë, pasi nuk kemi të bëjmë me penallti.
50′ Hebaj rrëzohet në zonë, pas një dueli me Musollin. Arbitri vazhdon lojën, duke marrë një vendim të drejtë.
72′ Çyrbja kroson në zonë, topi devijohet me dorë nga Krasniqi, që ka dorën e djathtë të mbledhur dhe të majtën të hapur. Protesta nga durrsakët, por nuk jepet penallti. Pamjet filmike tregojnë se Krasniqi e ka prekur topin me dorën e majtë dhe duhej akorduar penallti.
90+1′ Abazaj i rrëmben topin, por Kuro e mban nga fanella dhe shkakton faull. Karton i verdhë, që ishte i dyti për të. Vendim i drejtë.
