Kryebashkiaku i Pukës, Gjon Gjonaj, mblodhi në fundjavë ekipin dhe stafin drejtues. Ai bëri me dije largimin e dy drejtuesve dhe tha se atyre që u ka përfunduar kontrata dhe dëshirojnë të largohen, janë të lirë.
Gjonaj tha se kush do të vazhdojë me Tërbunin, do të ketë të njëjtat kushte, edhe pse ekipi do të luajë në të Dytën.
“Shefi i klubit (Dritan Frroku) dhe drejtori teknik (Alfons Gjergjaj) nuk do të jenë më pjesë e ekipit. Si kryetar bashkie, nuk lejoj askënd të hedhë baltë mbi ekipin. U kërkoj ndjesë tifozëve për incidentin. Skuadra e Tërbunit do të marrë pjesë në Kategorinë e Dytë dhe për këtë më vjen keq, por do të ndërtojmë një ekip cilësor për kthimin e shpejtë në të Parën”, është shprehur kryebashkiaku i Pukës.
Lojtarët pritet që në muajin gusht të firmosin kontratat e reja me klubin e Tërbunit.
