Trajneri i Juventusit, Mauricio Sarri ka vendosur ta grumbullojë Kristiano Ronaldon për ndeshjen e sotme kundër Kaljarit. Bardhezinjtë siguruan titullin e 9-të rradhazi dhe pritet të bëjnë ndryshime të shumta në sfidën në fushën e Kaljarit.
Mediat italiane raportuan se Ronaldo mund të lihej pushim, me sulmuesin që lufton me Imobilen për golashënuesin më të mirë të Serisë A. Por, Sarri ka vendosur ta përfshijë portugezin në skuadër për ndeshjen e sotme.Bardhezinjtë kanë vendosur të lënë disa lojtarë titullarë pushim për t’i pasur sa më të freskët për Ligën e Kampionëve kundër Lionit.
Lojtarët e grumbulluar nga Juventusi për ndeshjen kundër Kaljarit: Shezni, Pinsoglio, Bufon; Aleks Sandro, Bonuçi, Rugani, Demiral, Coçolo, Uesli, Frabota; Pjanic, Matuidi, Bentankur, Muratore, Piters; Ronaldo, Kuadrado, Higuain, Bernardeski, Olivieri, Vrioni, Zanimakia