Fabio Kapelo, ish-trajneri i Zlatan Ibrahimoviçit te Juventusi, nxit Milanin që t’i ofrojë rinovimin sulmuesit suedez. “Jam trajneri që e solli në Itali në vitin 2004, te Juventusi”, thotë Kapelo gjatë një interviste për “La Gazzetta dello Sport”.
“Sot e shoh shumë më me përvojë dhe super të përgjegjshëm në rolin e liderit. Del nga fusha kur duhet dalë dhe stimulon shokët e skuadrës edhe nga jashtë. Di të jetë vendimtar edhe në këtë mënyrë.
Nëse Milani vendos që të ardhmen t’ia besojë një grupi të rinjsh, prezenca e një lojtari si Ibrahimoviç do të ishte e dobishme. Për të njëjtën arsye Juventusi konfirmon Bufonin dhe Kielinin…”, nënvizoi Don Fabio.
