Milan Baros, ish-sulmuesi i Liverpool-it, ka vendosur të tërhiqet.
38-vjeçari ka zyrtarizuar lamtumirën e tij nga futbolli i luajtur dhe nga Banik Ostrava, skuadra me të cilën ka luajtur në tre sezonet e fundit.
Baros fitoi Champions League me Liverpool-in në 2005-ën, duke dhënë kontributin e tij në suksesin e arritur në Stamboll me përmbysje ndaj Milan-it të Ancelotti-t, që e kishte mbyllur pjesën e parë në avantazh 3-0 dhë që më pas u mund me penallti.
“Në aspektin psikologjik jam mirë, por jo fizikisht. Kam shumë probleme fizike, nuk arrij të stërvitem si më parë”, ka thënë Baros.
