Partizani mesa duket i ka thirrur mendjes, pasi ka nisur të kthejë në familje disa nga produktet e akademisë.
Ky pritet të jetë një proces i madh, pasi me kthimin e produkteve të tyre klubi përforcon ekipin e parë, por edhe Partizanin B, që këtë sezon militon në Kategorinë e Parë. Ish-kapiteni i të rinjve, Franc Lala, i është bashkuar dje ekipit në stërvitje, duke u kthyer si lojtar i lirë pas aventurës pozitive te Luftëtari.
Lala luan në qendër të mbrojtjes, por edhe në të djathtë. Përveç Franc Lalës, dje me të kuqtë është përgatitur edhe mbrojtësi tjetër, Elis Doksani, një tjetër ish-lojtar i akademisë së kuqe. 22-vjeçari në sezonin e fundit ka qenë pjesë e Egantias.
