“Ardhja në Paris ishte zgjidhja më e mirë e jetës sime”. Mauro Icardi duket se është i lumtur me zgjedhjen e bërë një vit më parë: ish-sulmuesi i Interit postoi një foto për të kujtuar firmën me PSG, e cila u bë pikërisht një vit më parë.
“Vitin e kaluar duhej të merrja vendimin për të ndryshuar. Një vit më vonë jam këtu, me kokën lart për atë që kemi bërë dhe për atë që do të ndërtojmë tani e tutje”.
Ky ishte postimi i sulmuesit të PSG që vazhdon të thumbojë Interin, nga ku u largua pasi i hoqën shiritin e kapitenit dhe pasi Marotta dhe Conte vendosën se ishte momenti që të mos vazhdonte si pjesë e ekipit…
