Ish-bossi i Formula 1, Flavio Briatore, është shtruar në një spital në Itali pasi rezultoi i infektuar me koronavirus.
Sipas mediave të huaja, Briatore është shtruar në spitalin San Raffaele në Milano të hënën për shkak të komplikimeve të shkaktuara nga COVID-19.
Raportohet se biznesmeni 70-vjeçar është në gjendje të rëndë shëndetësore, por ende nuk është transferuar në njësinë e kujdesit intensiv të spitalit.
Klubi “Billionaire” i Briatore në Porto Cervo është mbyllur për shkak të shpërthimit të koronavirusit. Raportohet se 60 anëtarë të stafit në klub ishin infektuar me COVID-19.
“Zemra ime qan kur sheh një ekonomi të masakruar nga njerëz që kurrë nuk kanë bërë asgjë në jetën e tyre,”- shkroi ish-shefi i ekipit Benetton dhe Renault në një postim Facebook, pasi autoritet urdhëruan mbyllen e klubeve të natës për të parandaluar përhapjen e virusit.
Trajneri i Bolonjës, Sinisa Mihajlovic, që ishte në mesin e VIP-ave me të cilët Briatore luajti një ndeshje futbolli, gjithashtu rezultoi pozitiv.
