Nëse ka një lajm të mirë për Barcelonën përpara debutimit në “Final 8” kundër Bajernit të Mynihut, është fakti që në fushat neutrale kanë ecuri pozitive dhe statistikat i buzëqeshin.
Kjo do të thotë se katalanasit shkojnë në Portugali me moral të lartë dhe me besimin që mund t’ia dalin, sepse historia ka treguar që në fushat asnjanëse dinë të marrin rezultatet e duhura.
Katalanasit kanë arritur që të marrin 20 fitore dhe vetëm 4 humbje në ndeshjet e luajtura në fushat neutrale duke shënuar 61 gola dhe duke pësuar vetëm 20. Këto janë statistika shpresëdhënëse për një klub që ka bërë një sezon me ulje-ngritje dhe nuk ka qenë kurrë në superformë. Megjithatë, asgjë nuk është e pamundur.
