Chelsea po përgatit një paketë 200 milionë euro për të siguruar mesfushorin e Bayer Leverkusen, Havertz.
Sipas Bild, kjo është shumë që londinezët do të shpenzojnë në total për 21-vjeçarin.
Në të përfshihet kontrata e lojtarit, që besohet se do të ketë një vlerë 100 milionë euro për pesë vite dhe kostoja e kartonit të tij, gjithashtu 100 milionë euro.
Drejtuesja e Bluve, Marina Granovskaia, shpreson të arrijë një marrëveshje me klubin gjerman për 80 milionë euro, plus 20 milionë si bonuse.
Megjithatë, Leverkusen nuk nxiton sepse kontrata e Havertz skadon në vitin 2022 dhe nuk ka asnjë klauzolë për prishjen e parakohshme të marrëveshjes.
