Kapiteni i Paris Saint-Germain, Thiago Silva, ka thënë se finalja e Champions League do të jetë ndeshja e tij e fundit me klubin francez.
Sipas zërave të merkatos, mbrojtësi veteran kërkohet në Premier League nga Everton dhe Tottenham.
Braziliani ka thënë për RMC: “Nuk dua të flas për të ardhmen time, sepse nuk do të na ndihmojë, por unë dua që ne ta festojmë bashkë ndeshjen e fundit me një trofe”.
“E kam thënë edhe më parë se dua ta mbyll karrierën time këtu në Europë”.
“Vendimi është marë, tani jam më i qetë. Do ta mbyll karrierën me një klub tjetër, por zemra ime do të jetë gjithmonë këtu”.
Ndërkohë, nga Spanja kanë bërë të ditur se edhe Lazio është e interesuar për ish-yllin e Milan-it dhe se drejtuesit bardhekaltër kanë kontaktuar menaxherin e brazilianit.
