Masimiliano Alegri është favoriti për tu ulur në stolin e Interit, nëse Antonio Konte largohet. Ish-trajneri i Juventusit pritet të marrë me vete edhe sulmuesin Mario Mandzukiç.
Konte do të takohet nesër me drejtuesit e Interit për të vulosur të ardhmen e tij, ku me shumë mundësi do largohet nga zikaltërit vetëm pas një viti. Në Itali kandidati më i kuotuar për të marrë drejtimin e Interit është Alegri. Sipas “La Repubblica”, Alegri mund të sjellë tek Interi edhe sulmuesin Mandzukiç.
34 vjeçari është një lojtar i lirë pasi përfundoi me konsensus kontratën me klubin nga katari Al Duhail.
