Chelsea po mendon një skenar të çmendur për portën. Trajneri Frank Lampard kërkon që të shkëmbejë Kepan me portierin Gianluigi Donnarumma. Londinezët po mendojnë diçka të tillë, pasi kontrata e të riut skadon në qershorin e 2021 dhe nuk ka bisedime për rinovim.
Agjenti Mino Raiola e ka pranuar se nuk po flet me klubin për “Gardianin e portës”, pasi vëmendja e tij është te rinovimi i Zlatan Ibrahimovicit. “Djalli” mund të humbasë Donnarumman me parametra zero sezonin e ardhshëm, prandaj Chelsea është hedhur në sulm.
26-vjeçari u ble për 80 milionë euro nga skuadra e Athletic Bilbaos, por ka rezultuar si një nga dështimet më të mëdha të merkatos. Milani nuk tundohet nga një ide e tillë, por të vendosur përpara faktit se mund të humbasin Xhixhon me parametra zero, gjithçka mund të ndodhë.
