Trajneri i Interit, Antonio Conte, ka acaruar së tepërmi tifozët e Interit, pasi është i fokusuar vetëm te “veteranët”. Numri një i stolit ka siguruar shërbimet e mbrojtësit të majtë Aleksandar Kolarov, ndërsa ka larguar nga lista një futbollist të talentuar.
Sandro Tonali ishte një objektiv i zikaltërve, por nuk qëndron më diçka e tillë. Tekniku nuk e do futbollistin e Brescias dhe kombëtares së Italisë, pasi synon të marrë futbollistë me eksperiencë, por që kanë vite mbi shpatulla. I pari është Arturo Vidal që është i larguar nga skuadra e Barcelonës dhe pret vetëm të gjejë klubin e ri, pasi Koeman nuk e ka në plane.
N’Golo Kante është dëshira e madhe, por diçka e tillë duket më e vështirë. Chelsea do të paktën 50 milionë euro për lojtarin, ndërsa Conte duhet të sakrifikojë Brozovicin, Gagliardinin dhe Eriksenin për të arritur te futbollisti. Largimi i Interit nga gara do të thotë se Milani e ka derën e hapur për të arritur te Tonali.
