Trajneri Antonio Conte ka arritur më në fund të sigurojë shërbimet e mbrojtësit Aleksandar Kolarov. Interi ka gjetur gjuhën e përbashkët me Roman dhe tani pritet që vetëm lojtari të kalojë në “San Siro”.
Mbrojtësi i krahut të majtë u ble për 2 milion euro nga Interi. Afrimi i tij do të zyrtarizohet në orët e ardhshme, ndërsa numri një i stolit do të ketë lojtarin që dëshiron në ekip. Kolarov ishte një kërkesë direkte e teknikut italian për krahun e majtë të mbrojtjes.
Tifozët e Interit nuk janë aspak të lumtur me afrimin e serbit. Ata i kanë dalë kundër teknikut të tyre duke parë dhe moshën e lojtarit. Shtatlarti do të fryjë 35 qirinjtë në nëntor, ndërsa afrimet e Contes në merkato janë të gjithë futbollistë me moshë të madhe.
