Milani nis të bëhet aktiv në merkato dhe sipas asaj që raporton SportMediaset për Italia 1, Zlatan Ibrahimovic pritet të nënshkruajë kontratën e tij të re me Milanin gjatë fundjavës: 6 milion në pjesë fikse, 500 mijë euro bonuse lehtësisht të arritshme dhe 500 mijë euro të tjera në rast kualifikimi në Champions League.
Por ka edhe një marrëveshje shumë të nxehtë afër përfundimit: në fakt është bërë gjithçka gati për kthimin e Tiemoué Bakayoko në Milano pas OK nga Chelsea në huazim me të drejtën e blerjes. Francezit mund t’i bashkohet edhe Brahim Diaz, pasi klubi kuqezi dhe Real Madrid janë drejt akordit final për huazim me të drejtë blerje dhe tani fjala e fundit i takon futbollistit, edhe pse “galatikët” mund të fusin “recompra”, pra “riblerje”. Diaz fillimisht dëshiron të flasë me Zidane dhe njohë qëllimet e trajnerit.
