Sulmuesi veteran shqiptar Sebino Plaku është në bisedime për të luajtur sezonin e ardhshëm me Teutën.
Vetë ish-futbollisti i shumë skuadrave të Kategorisë Superiore, i cili u nda së fundmi nga Gjilani pranoi për “Indeksonline” se po negocion me ekipin durrsak si dhe disa skuadra të tjera të kampionatit tonë, të cilat po konkurojnë në kompeticionet e futbollit europian.
Megjithatë, 35-vjeçari la të hapur mundësinë për të luajtur sërish në Kosovë.
“Jam në bisedime me Teutën dhe me disa ekipe në Shqipëri, por që janë të zëna me kompeticionet europiane. Sa i përket Superligës së Kosovës e kam lënë të hapur mundësinë e rikthimit”, u shpreh Sebino Plaku.