Milani ka shitur zyrtarisht Ricardo Rodriguez te Torino. Ai u ble nga rivalët e kuqezinjëve për një shifër prej 3 milionë eurosh. “Djalli” nuk e kishte në plane, prandaj punoi për t’i gjetur një ekip të ri.
Rodriguez zhvilloi vizitat mjekësore sot dhe u bë dhe zyrtarimi nga klubi. Mediet italiane shkruajnë se zvicerani firmosi deri në vitin 2024 dhe do të përfitojë 1.5 milion euro në sezon.
Sezonin e fundit, Rodriguez e kaloi te PSV, por nuk luajti shumë për shkak të ndërprerjes së kampionatit nga COVID-19. Karriera te Milani nuk i shkoi shumë mirë, pasi nuk u kthye kurrë në një lider në kampin italian.
