Hames Rodrigez analizon aventurën e tij në Madrid dhe thotë se i vinte keq për faktin që nuk kishte mundësi për të treguar vlerat dhe formën e tij.
“Më vjen keq sepse nuk kisha kushte të barabarta me shokët e skuadrës. Trajneri nuk më jepte mundësi, por nuk futem në këtë diskutim.
Ai bënte zgjedhjet e tij në bazë të lojtarëve që i pëlqenin dhe nuk mund t’i them asgjë për këtë. Unë di që isha në formë të mirë, por thjesht nuk luaja dhe për këtë nuk më vinte mirë”, tha Hames.
Ai foli edhe për formacionin e tij të ëndrrave. “Nuk e di. Do të kishte shumë lojtarë cilësorë si Maradona, Ronaldo, Nejmar. Në portë do të ishte Nojer. Është spektakolar”, tha Hames.