Milani është gjithmonë i vëmenshëm ndaj talenteve prezentë tek Real Madridi.
E kemi vënë re para një viti, kur Paolo Maldini mori Theo Hernandez-in, edhe tani u pëlqejnë disa lojtarë.
Ditët e fundit po flitet shumë për Brahim Diaz, për të cilin mund të jetë nisur një negociatë konkrete.
Klubi kuqezi shpreson ta marrë 21 vjeçarin mesfushor sulmues me formulen e huazimit.
Palët janë në kontakt për të arritur një marrëveshje.
Por Milani nuk ka hequr nga vemendja edhe Oscar Rodriguez, trekuartist që në dy sezonet e fundit ka luajtur në huazim te Leganes.
E përditshmja AS shpjegon se drejtuesit kuqezi kanë patur mundësinë të flasin me ekipin e lojtarit për të kuptuar situaten.
Real Madridi është i gatshëm ta japë Oscar Rodriguez-in, por do të jetë e nevojshme të negociohet për shifrat dhe formulen e transferimit.
Nuk përjashtohet se Los Blancos duan të garantojnë një të drejtë përqindjeje në shitjen e ardhshme të spanjollit.