Kapiteni Ignjatoviç gjuajti penalltinë e fundit të Laçit dhe ishte i vetmi që ndoshta “rrezikoi” pak, pasi portieri kundërshtar ia kuptoi krahun. Katër penalltitë e tjera të kurbinasve, nga mënyra si u gjuajtën, ishin të pakapshme, si ato të gjuajtësve të mëdhenj botërorë të 11-metërshave.
U pa qartë se në këtë drejtim trajneri Cungu dhe stafi i tij kishin punuar shumë. Gjuajtje të forta dhe në lartësi, gati perfekte, duke mos i dhënë asnjë shans portierit të Keshlës për t’i neutralizuar. Një penallti mjaft e bukur ishte ajo e Mazrekajt, e gjuajtur më fort se të tjerët. Për këtë arsye trajneri Cungu e hodhi në fushë në sekondën e fundit, duke pasur besim të plotë te kosovari. Çdo gjë sipas llogarive. Detajet bëjnë diferencën dhe nuk duhen nënvlerësuar asnjëherë, sidomos kur bëhet fjalë për një ndeshje teke.
PENALLTITË
Keshla
1.Klots +
2.Zhunior +
3.Akhundov +
4.Haxhijev +
5.Qirtimov – (pret Sherri)
Laçi
1.Nuabueze +
2.Lushkja +
3.D.Rapo +
4.Mazrekaj +
5.Ignjatoviç +
