Sot në orë 21:00 do zbulohet skuadra e fundit finaliste që do presë në finalen e Championsit PSG-në. Bajern Mynihu dhe Lioni do përplasen mes tyre për një vend në finalen e shumëpritur.
Janë zbuluar formacionet, dhe të dy trajnerët kanë zgjedhur lojtarët më në formë për këtë sfidë. Trajneri i Lionit, Garsia ka vendosur ti besojë sërish Kornetit që bëri një paraqitje mjaft të mirë kundër Mançester Sitit. Gjithashtu për ekipin francez do ta nisë nga fillimi edhe Memfis Depai. Nuk mungon as njeriu i momentit tek Lioni, Aurar që do e nisë nga fillimi takimin.
Në krahun tjetër trajneri i Bajern Mynihut, Flik nuk ka bërë ndryshime dhe në fushë do jenë të njëjtët lojtarë që turpëruan Barcelonën 8-2. Sulmi do përbëhet nga Levandovski që do mbështet nga Myler, Gnabri dhe Perisiç.