Shpërthime dhe finte në maksimumin e shpejtësisë.
Repertori i Kylian Mbappe është me të vërtetë mbresëlënës. Sulmuesi francez i PSG-së vazhdon të rritet, sezon pas sezoni.
Aktualisht, në koleksionin e tij janë katër Ligue 1 radhazi dhe Kupa e Botës e fituar me Francën në 2018-ën.
Mungon vetëm Champions League. Një trofe që mund ta ngrejë të dielën në finalen e madhe të Lisbonës.
Talenti i tij është aq i pastër, sa ka bërë për vete edhe Rio Ferdinand-in. Ish-mbrojtësi anglez ka pranuar se ka mbetur i magjepsur nga Mbappe.
“Është lojtari që i afrohet më shumë Ronaldo (Fenomenit) që kam parë ndonjëherë”, ka thënë Rio për BT Sport.
“Të bën të ndihesh si një fëmijë kur e shikon të luajë. Të drithëron akoma pa prekur topin”.
