Josep Maria Minguella, njeriu që ndërhyri 20 vjet më parë te nënshkrimi i Lionel Messi për transferimin te Barcelona, beson se sulmuesi do të luajë në Itali sezonin tjetër dhe jo në Angli siç besojnë shumë.
“Për mua, Messi tashmë ka një ekip: Inter”, tha ish-agjenti dhe ish-kandidati për presidencën e Barcelona në një dialog me Cadena COPE.
“Në Itali ata paguajnë më pak taksa sipas një dekreti të ligjir dhe në fakt, jo më kot qëndron edhe Cristiano Ronaldo. Kushton më shumë ta shohim në Angli edhe pse shoku i tij Agüero dhe trajneri Guardiola janë në City”, tha Minguella.
Ai gjithashtu theksoi: “Tani në Itali po përpiqen të rigjallërojnë botën e futbollit me firma big dhe me këto avantazhe në kontratat e reklamimit të futbollistëve”.
“Ajo që duhet të bëjë Barça është të rimendojë situatën e të ardhmes. Nëse me Leo Messin nuk e dinte se ku do të shkonte busulla e ekipit, imagjinoni pa të ”, komentoi Minguella.
Në fund, ai iu referua presidentit të ekipit katalanas: “Bartomeu tha që lojtarët duhej të largoheshin nga klubi me nderime … dhe javën tjetër ai i dëboi me telefon”.
