Tomas Tuhel po përballet me disa probleme në formacionin e tij dhe është gati të bëjë shpenzime në merkato që të mos dorëzohet nga objektivat e klubit.
Çelsi ka humbur Ben Çiluell këtë sezon dhe po mendon për një zëvendësues. Emri më i ri në listën e gjermanit është mesfushori Interit, Ivan Perisiç. Kroati po kalon një sezon shumë të mirë me skuadrën e tij dhe Tuhel e shikon si zëvendësimin e duhur të anglezit.
Kërkesa e dytë e teknikut të “bluve” është holandezi Frenki De Jong. Ndryshe nga Perisiç, mesfushori i Barcelonës nuk po përjeton te katalanasit atë që priste në fillim dhe tani një largim i tij shikohet i mundur. Oferta e Çelsit është 50 milion paund, por duket se Barcelona kërkon më shumë për De Jong.
