Në Shqipëri nuk mendojnë më vetëm për të fituar ndonjë trofe e luajtur ndonjë tur në Kupat e Europës, por shumë më shumë se kaq. Modeli “Skënderbeu” ka lëshuar rrënjë në futbollin tonë. Klubet vazhdojnë të gabojnë dhe u ikin jo pak lojtarë nga duart me parametra 0, e megjithatë merkatoja nuk është mbyllur ende.
Zyrtarisht vetëm Teuta ka përfituar 150 mijë euro nga shitja e Sherif Kallakut te Lokomotiva e Zagrebit. Tirana pret që të bëjë “bingo” me Ernest Muçin e Uinful Kobina dhe nëse gjithçka shkon sipas planeve, do të arkëtonin 1 milion euro.
Për të parin presin 500- 600 mijë euro, ndërsa nga i dyti deri në 300 mijë euro. Të njëjtën shumë e pret edhe Skënderbeu, nëse mbyll me sukses tratativat për transferimin e Agon Elezit e Jorgo Pëllumbit te Boavista dhe Shturm Graz.
