Objektivi numër një për mbrojtjen e Napolit vazhdon të jetë Gabriel i Lille dhe sipas asaj që raporton “Sky Sport”, klubi blu ka bllokuar lojtarin me një marrëveshje zotërinjsh.
Francezët janë duke respektuar marrëveshjen dhe kanë refuzuar një ofertë prej 20 milion eurosh nga Everton. Lille do të presë edhe disa ditë, duke respektuar marrëveshjen me Napoli, që në fillim duhet të shesë Koulibaly përpara se të blejë Gabriel.
Kujtojmë që Napoli dhe Lille lidhën një miqësi të ngushtë pas transferimit rekord të Victor Osimhen për gati 80 mln euro, përfshirë të gjitha bonuset.
