Real Madridi fitoi titullin kampion në Spanjë dhe Superkupën duke mbyllur një sezon të suksesshëm, pavarësisht se nuk ecën larg në Champions dhe Kupën e Mbretit.
Ekipi madrilen po mendon për sezonin e ardhshëm. Presidenti Florentino Perez po mendon për rinovimin e kapitenit Sergio Ramos, pasi nuk do të bëjë afrim big këtë verë, shkruan AS.
Kapitenit i mbaron kontrata sezonin e ardhshëm dhe po bisedon për rinovimin e saj. Perez donte një kontratë 1-vjeçare për të ndjekur rregullin e Realit që nuk rinovon më shumë me futbollistët mbi 30 vjeç, por për kapitenin mund të ketë një tolerim. Ramos pritet të firmosë deri në vitin 2023.
