Kukësi do të përballet ditën e nesërme me Slavian e Sofias, në takimin e vlefshëm për raundin e parë të Ligës së Europës. Ky takim do të zhvillohet në orën 20:00, në stadiumin “Air Albania”. Skuadra bullgare, zhvilloi ditën e sotme, stërvitjen në impiantin modern ku do të përballet me nënkampionët e Shqipërisë.
Teksa lojtarët e Slavias kishin zbritur në fushë për seancën e zakonshme stërvitore, trajneri serb i skuadrës bullgare, Zlatomir Zagorçiç, nuk ka nguruar të dhurojë spektakël me topin. “Panorama Sport”, ka arritur të sigurojë një video nga ky moment.
