Barcelona do të luajë kundër Bayern Munchen në ndeshjen çerekfinale të Champions Leagues. Sulmuesi i katalanasve, Antonie Griezmann, mendon se skuadra e tij do të kualifikohet, pavarësisht se Bayerni është në formë.
“Mezi po presim të luajmë kundër tyre. Kemi punuar mirë nga ana taktike dhe jemi gati të luajmë. I dimë vështirësitë e kësaj ndeshjeje, por duam të kualifikohemi në gjysmëfinale.
“Bayern me të vërtetë luan mirë futboll dhe kanë një sulmues të shkëlqyer. Janë një ekip i fortë fizikisht, por ne do të përpiqemi t’ua vështirësojmë jetën”, – tha ai.
