Tirana zhvilloi ditën e sotme një test miqësor me Pogradecin e Kategorisë së Parë, në prag të përballjes së Ligës së Kampionëve ndaj Dinamo Tbilis, që do të zhvillohet në 19 gusht në Gjeorgji.
Bardheblutë triumfuan me rezultatin e pastër 3-0. Muçi dhe Avdijaj ishin autoret e golave me kampionët në fuqi të Superiores, duke konfirmuar kështu formën e mirë të repartit ofensiv. Talenti bardheblu realizoi dopietë në minutat 34 dhe 44, ndërkohë që sulmuesi i afruar në merkaton e verës, Albion Avdijaj, vulosi sfidën me golin e tij në minutën e 70-të.
Kujtojmë që kryeqytetasit prej disa ditësh ndodhen në qytetin e Pogradecit, ku po zhvillojnë minifazën përgatitore.