Manchester United shijon “snajperin” Bruno Fernandes: që nga janari i kaluar, mesfushori portugez u bashkua me Djajtë e Kuq dhe ka bërë diferencën me 11 gola, përfshirë 7 nga pika e penalltisë.
E fundit, shumë me peshë, mbërriti të hënën në mbrëmje në kohën shtesë kundër Kopenhagenit në çerekfinalen e Europa League dhe përballë një portieri fantastik si Johnsson.
Një penallti që për United vlen gjysmëfinalen e Europa League. Dhe për ish-lojtarin e Sampdorias dhe Udinese, një tjetër konfirmim se kur bëhet fjalë për të qenë i saktë nga 11-të metra, nuk fal!
18 penallti të shënuara radhazi, 27 nga 29 në karrierën e tij. Statistikat e makinerive (pothuajse) perfekte … por, nga Ramos (22 radhazi) lart, ka akoma disa revole edhe më të pagabueshme!
Lewandowski – 31 penallti radhazi
Lambert – 30 penallti radhazi
Pauleta- 26 penallti radhazi
Kruse – 24 penallti radhazi
Le Tissier – 23 penallti radhazi
Ramos – 22 penallti radhazi
