Në mediat turke, qarkulloi ditën e sotme, një lajm, se ish-futbollisti i Tiranës, Majkëll Ngo, kishte arritur akordin me skuadrën e Menemesporit, dhe pritej që ai t’i bashkohej skuadrës gjatë kësaj jave, por së fundmi ka qenë menaxheri i anglezit, Majkëll Ngo, Mario Cenolli, i cili ka përgënjeshtruar lajmin, që e lidh 27-vjeçarin me këtë klub.
“Dukë lexuar shumë portale dhe gazeta si nga Shqipëria apo Turqia, me lajme të rreme për lojtarin Majkëll Ngo, se paska arritur një marrëveshje me klubin e Menemenspor, dua t’ju sqaroj që është krejtësisht një lajm i rremë dhe Majkëlli nuk ka arritur asnjë marrëveshje me këtë ekip. Ju faleminderit për mirëkuptimin”, sqaroi menaxheri Cenolli nëpërmjet një postimi në rrjetet sociale.
Ndërkohë i kontaktuar nga “Panorama Sport”, ai hodhi dritë mbi të ardhmen e Ngosë, duke thënë: “Po, futbollisti është në tratativa me një ekip turk, por nuk është ai i Menemensporit. Bëhet fjalë për një ekip në Ligën e Parë turke”.