Thiago Silva zyrtarisht te Chelsea. Mbrojtësi brazilian ka firmosur kontratën 1+1 me 10 mln euro në sezon. Kurioz fakti se vizitat mjekësore dhe firma u hodhën në Milano, pikërisht aty ku u bë i madh duke veshur fanelën kuqezi.
Duke parë përpara sfidën e tij të re, Thiago Silva tha: “Jam shumë i lumtur që po bashkohem me Chelsea. Jam i kënaqur që jam pjesë e skuadrës së Frank Lampard për sezonin e ardhshëm dhe jam këtu për të synuar sfidat e klubit dhe krenar. Shihemi së shpejti tifozë të Chelsea, mezi pres të luaj në Stamford Bridge”.
Drejtoresha e Chelsea, Marina Granovskaia, komentoi kështu: “Jemi të kënaqur që mund të shtojmë në skuadër një futbollist me vlerë të klasit botëror si Thiago Silva. Duke performuar në nivelin më të lartë për shumë vite, nuk kemi dyshim se përvoja dhe cilësia e tij do të plotësojnë shumë talente emocionuese që tashmë kemi këtu. Shpresojmë se ai mund të shtojë disa trofe të rinj në listën e tij mbresëlënëse”.
Paris ⇢ The Pride of London! 💙@TSilva3 has arrived! #OhhThiagoSilva pic.twitter.com/ssO5ZlA4Dw
— Chelsea FC (@ChelseaFC) August 28, 2020
