Trajneri i Shqipërisë, Edy Reja, ka publikuar listën e lojtarëve për dy ndeshjet e para kualifikuese në Nations League.
Kuqezinjtë, të cilët janë në Ligën C, Grupi 4, do ta nisin kompeticionin me ndeshjen kundër Bjellorusisë në Minsk, më 4 shtator, ndërsa tri ditë më pas do të presin Lituaninë në stadiumin Air Albania. Veç këtyre skuadrave, në grup është edhe Kazakistani.
Lojtarët e thirrur nga Reja janë: Berisha, Strakosha, Hoxha, Ismajli, Dermaku, Kumbulla, Xhimshiti, Mihaj, Veseli, Çepele, Hysa, Trashi, Memolla, Lenjani, Gjasula, Ramadani, Abrashi, Uzuni, Laçi, Bare, Selahi, Roshi, Kamberi, Sadiku, Broja, Balaj, Manaj, Cikalleshi.
