Mes shtyrjes së mundshme të ndeshjes Genoa-Torino (për shkak se kanë dalë plot 14 pjesëtarë të skuadrës së parë me Covid-19) dhe hipotezës së pabesueshme të ndaljes së Serie A, ministri i sporteve të Italisë, Vincenzo Spadafora, mendoi sot për ta sqaruar situatën. Nga ana tjetër, nuk mund të ketë një zë më autoritativ në këtë rast.
“Të ndalet kampionati, meqë kanë shpërthyer rastet pozitive te Genoa? Unë nuk mendoj se jemi akoma në këto kushte. Kjo situatë më shqetëson shumë, tani do të bisedoj me Dal Pino dhe presidentin Gravina. Duhet të kemi komunikim të vazhdueshëm me Coni-n dhe federatat. Ne duhet të marrim vendime në interes të të gjithë lëvizjes sportive”.
Tani presim lajme, sidomos në frontin e Genoa dhe Napolit, që sot kanë bërë tamponët, meqë skuadra e Gattuso luajti të dielën kundër skuadrës së “pushtuar” koronavirusi. Prandaj, pritet të gjendet një zgjidhje alternative për ndalimin e kampionatit, siç është ajo e shtyrjes së ndeshjeve më të rrezikshme, me skuadra veçanërisht të prekura nga rastet e shumta të Covid-19.
