Pas nënshkrimit të Thiago Silva, Ben Chilwell, Malang Sarr, Hakim Ziyech dhe Timo Werner, Chelsea vazhdon të jetë “mbreti” i tregut të transferimeve në futboll, kësaj vere. Nga Bayer Leverkusen do t’i bashkohet Kai Havertz. Kësaj radhe, Roman Abramovic ka shpenzuar 90 milionë euro, plus 25 milionë bonuse. Kjo është blerja më e shtrenjtë në historinë e bluve të Londrës.
21-vjeçari i talentuar tejkalon rekordin që i përkiste portierit Kepa (u paguan 80 milionë euro për të tek Athletic Bilbao). Për të nënshkruar me klubin londinez, Havertz ka lënë përkohësisht grumbullimin me kombëtaren e Gjermanisë. Federata Gjermane e Futbollit e ka bërë public këtë fakt. Lojtari do të kthehet sapo të kryejë procedurat përkatëse dhe të zyrtarizojë transferimin te Chelsea.
