Jurgen Klopp foli pas fitores së çmendur të ekipit të tij kundër Leeds me rezultatin 4-3. Numri një i stolit të Liverpoolit e pranoi se skuadra e tij vuajti shumë dhe përgëzoi kundërshtarin për lojën e bërë.
“Kundërshtari na detyroi të bënim gabime, ne si skuadër mund të bëjmë më mirë. Duhet të bëjmë më mirë! Gjithsesi, më shijoi kjo sfidë, luajtëm përballë një ekipi shumë të organizuar, përballë një ekipi që ka shumë pasion e zemër.
“Ekipi i Leeds United është shumë special, ata bënë një sfidë të shkëlqyer. Jo vetëm një sfidë normale, por për plot 95 minuta”, – tha Klopp. Trajneri gjerman i shijon shumë ndeshje të tilla emocionuese, pavarësisht se ekipi i tij mund të mos fitojë.
